Ka phone thlalaks

Ka tihtur hrelovin ka phone camera test nan kan hmangve lawk

Mi(sual).com ka hmuhdan

Misual.com hi kum hnih vel zet chu ka lo chenchilh ve ta a, tunhnaia a kaldan hian ahma ang kha apha tawhlo zawk emni aw ka ti ani

Tunlaia comment tamtak han en hian he blog hi chatroom emaw kan ti deuh niin alang. Adik tak chuan kan postah hian tam thei ang ber comment lut se kan duh theuh. Mahse comment han chhiara chat nan mai maia anlo hmang thin hi chu a type nana leh a ngaihtuah chhuah nana kan hun hman han ngaihtuah phei chuan a rilru nat thlak ve duh riau mai thin a. Hei hi mi tamtak ngaihdan pawh anih vetho ka ring. A tihtawp dan a awmlo emni le…

Chubakah comment anih ang tak hian admin lam hian mi tana rilru natna thlenthei tur ang chi, eg.. tawngkam dengkhawng tak tak te hi chu lo delete hmiah hmiah zel mai se tun ai hian kan changkang lehzual awm mange tih te vawiin chu ka ngaihtuah mai mai

Hnahthial ‘N’ VC Vice Presidentin Naupang Kumtlinglo A Khuaikhem

Hnahthial ‘N’ VC Vice President Pu C.Vanlalhuaia chu naupang kumtlinglo khuaikhem avangin niminpiah khan man ani.

Pu Huaia hian an puhna hi apha lova. Tunhma pawhin he naupang kum13 mi hi T-shirt leh Jacket te a leisak fo tawh thin tih a sawi a. Pocket money tur pawh pawisa a pe fo thin ani. He hmeichhe naupang pawh hian Police hnenah thil nihdan chiang takin a hrilh vek ani.

He thilthleng avang hian hemi zan la la hian Hnahthial Block MHIP te chu inhmukhawm nghalin he thilthleng hi an dem thu leh a titu hi ana thei ang bera hrem tura an phut thu resolution siamin an tarlang ani.

NB:- kan local politician te lehzel pawh hetiang an nih chuan kan society ah hian hmeichhia an chep ta hle tihna ani thei em? I fa khan i hriat lohin pawisa a nei thei riau em? A him chiah maw? Chhut ngun rawh

Fak Hlawhlo Valrual: MZP

Mizoramah hian Organisation leh Association engngemawzat an awm a, heng zawng zawng zingah hian keichuan MZP hi faktlak ka ti ber mai. A chhan hrang hrangte-

Mi thenkhat chuan “MZP hian engngemaw an tih tak tak le? Nileng lengin office ah an thu a, vai pawisa a khawn vak vak ringawt a, Zoram tan hian engmah an thawk kaw tak taklo” an tih hi ka hre fo mai. Mahse heng mite hi he kan Mizo hnamin hnam ang zawnga harsatna leh hnam issue khawihphak buaina kan tawh chuan ”MZP in tise, khwnge MZP an awm?” tia iak peih peih thinte anni tih hi ka hriatzin pawl tak ani ve thin.

Hmanni lawk khan H & TE Dept’ hnuaia Mizoram quota a Technical Course zirtur thlanna ah buaina (result diklo) kan tawk a, khangte kha MZP chhuichhuah ani lovem ni? MZP in hmala lose laymen ho hi chuan engmah hre lovin ‘A va mak ve’ tiin kan thlirliam leh ringwt ang chu. Khathil avang khan MZP hian fak ahlawh em? Teuhlo mai. Tun thlengin an tih dikloh changin ‘mahni kuanglo nawr’ tiin kan sel mek zawk anih hi

Tunhnai deuh zawk ah pawh College pakhat, Shree Shankar College, Guwahati anga inzuara Admission fee sang uchuak tak hmanga Mizo zirlaite rawk tumtu te pawh kha a chhuichhuahna kawnga a hnarkaitu chu MZP bawk anni lawmni? MZP in FIR an thehluh hnuah CID leh Mizoram Police pawhin ahma atanga anlo rinhlelh lawk tawh ani tih an puangve chauh ani lawmni kha? Chumai bakah Mizotawng 8th Scheduled a dah anih veloh chhanah MZP puhin achhe thei ang berin kan sel bawk. Mahse nguntakin han ngaihtuah teh. Mizo kanla tlem si a, kan tawng hi 8th Scheduled adah anih chuan India rama hnam changkang ho zingah kan telve ta tihna ani thei ang. Mahse heng Tribal Quota kan neih hi a
bo dawn. Plain people te nena inkhaikhin ralah chuan hniamtak kan la ni. Chu chu hrerengin leh thuitak thlirlawkin MZP chuan tunhuna mi sawisel tur pawh dawnchanglo lekin kan Mizo hnam thatnan hma anla ani zawk.

Pawisa khawn, extortion, violence, zu heh pawl, etc, kan ti maw? Adik na chen pawh a awm ang chu. Mahse MZP hian dan ang thlapa Mizorama chengte hnenah pawisa an khawn ngailo. Danloa aruka Mizorama rawn sumdawng, kan ram hausakna drain tuma hmanhlel hote lakah chauh donation a khawn thin. Chutiang hunah chuan thalai tan chuan tharum te pawh hman atul tlat chang a awmve thin asin, ka unau.. Pawnlam atanga thlir ang ngawt hi alo nilo.

A sei ta viau mai. Misualho zawng zawngte ka sawmna cheu chu heihi ani. MZP hi an chetsual changin a destructive zawngin kan sawisel luai luai thin a, an thiltih thatte leh fak an phuna ah pawh fak tum lovin. An thalo kanti a kan telve peihlo anih pawn a constructive zawngin criticize hram hram ang u.